जमिनीच्या मोजणीची प्रत देण्यासाठी शेतकऱ्यांकडून दहा लाखांची लाच घेताना मालवण येथील भूमी अभिलेख विभागातील एका अधिकाऱ्यास लाचलुचपत प्रतिबंधक विभागाने रंगेहाथ पकडले. न्यायालयाने या अधिकाऱ्याला २२ राजेंद्र तुकाराम परमसागर (४५) असे या लाचखोर अधिकाऱ्याचे नाव असून भूकरमापक म्हणून सिंधुदुर्ग जिल्ह्यातील मालवण येथील भूमी अभिलेख कार्यालयात त्याची नियुक्ती आहे. ही नियुक्ती २०१२मध्ये झाली असून नियुक्तीनंतरही कामावर गैरहजर राहणारा राजेंद्र १९९० ते २०१२ या कालावधीत ठाण्यात कार्यरत होता. घोडबंदर रोडवरील वाघबीळ परिसरातील एका शेतकऱ्याच्या जमिनीची सर्वेअरने मोजणी केली होती. या मोजणीची प्रत (नकाशा) देण्यासाठी राजेंद्र याने शेतकऱ्याकडे तब्बल ३० लाखांची मागणी केली होती. मात्र लाच देण्यास शेतकरी तयार नसल्याने त्याने ठाणे लाचलुचपत प्रतिबंधक विभागाकडे (एसीबी) तक्रार केली. लाचलुचपत प्रतिबंधक विभागाच्या पडताळणीत लाच मागितल्याचे निष्पन्न झाल्यानंतर मंगळवारी सायंकाळी ठाण्यातील सरकारी विश्रामगृहाबाहेर सापळा लावला. शेतकऱ्याकडून लाचेचा दहा लाखांचा पहिला हप्ता घेताना राजेंद्रला लाचलुचपत प्रतिबंधक विभागाने पकडले. या प्रकरणी ठाणेनगर पोलिस ठाण्यात गुन्हा दाखल करण्यात आला आहे.