राजकीय स्वरूपाचे कार्यक्रम, मेळावे थांबवा - मुख्यमंत्र्यांचे जिल्हाधिकाऱ्यांना व्हिडीओ कॉन्फरन्सद्वारे निर्देश

कोरोनाचा प्रादुर्भाव रोखण्यास सर्वोच्च प्राधान्य

कोरोनाचा प्रादुर्भाव थांबविणे यास सर्वोच्च प्राधान्य असून राज्यशासनाने उचललेल्या पावलांमुळे अद्याप तरी राज्यात परिस्थिती नियंत्रणात आहे. मात्र, गर्दी थांबविण्यासाठी काटेकोर प्रयत्न करावेच लागतील. यादृष्टीने सर्व धर्मियांच्या प्रार्थनास्थळांवर नियमित पूजा-अर्चा सुरु ठेवून भाविकांची गर्दी मात्र थांबविण्याचे निर्देश मुख्यमंत्री उद्धव ठाकरे यांनी सर्व जिल्हाधिकाऱ्यांना दिले.