बनावट दागिने खरे असल्याचे सांगून सोने तारण कर्ज घेऊन ठाण्यातील एका संस्थेची १० लाख ५० हजारांची फसवणूक करणाऱ्या सराफ व्यावसायिकासह त्याचा मुलगा आणि अन्य एका अशा तिघांविरुद्ध ठाणे नगर पोलिस ठाण्यात गुन्हा दाखल करण्यात आला आहे.

सोने तारण ठेवून कर्ज घेण्यासाठीसराफ व्यावसायिकाशी संगनमत करून सोने परीक्षणाचे खोटे प्रमाणपत्र संस्थेत सादर करण्यात आले होते. संस्थेकडून ७ लाख ६० हजार रुपये कर्ज घेतले. मात्र या कर्जाची परतफेड केली नाही. मुद्दल, व्याज आणि दंड मिळून हे कर्ज १० लाख ५० हजार इतके झाले. हा प्रकार समोर आल्यानंतर संस्थेने तक्रार दाखल करण्यात आली असून याप्रकरणी अधिक तपास करण्यात येत आहे.