नाशिकमध्ये रविवारी मध्यरात्री झालेल्या भीषण अपघातामध्ये चार जणांचा मृत्यू झाला आहे. तर सहाजण या अपघातामध्ये जखमी झाले आहेत. हे सर्वजण सप्तश्रृंगी देवीचे दर्शन घेऊन परतत होते. त्यावेळी हा अपघात घडला. प्राथमिक माहितीनुसार, सप्तश्रृंगी गडावरून परतत असताना नाशिक-वणी रस्त्यावरील कृष्णगावजवळ भाविकांचा टेम्पो बंद पडला. त्यामुळे हे सर्वजण रस्त्यावर दुसऱ्या वाहनाची वाट पाहत उभे होते. त्यावेळी भरधाव वेगात आलेल्या एका ट्रकने या भाविकांना चिरडले. हे सर्वजण नाशिक आणि त्र्यंबकेश्वरचे रहिवासी आहेत.