ठाणे : वागळे इस्टेटमधील पडवळनगरमध्ये मंगळवारी दुपारी आकाश मोरे (२७) या युवकाची चाकूने भोसकून हत्या झाल्याने खळबळ उडाली आहे. पोलिसांनी गणेश रेड्डी (२९) याला अटक केली असून श्रीनगर पोलिस ठाण्यात गुन्हा दाखल करण्यात आला आहे. वर्तकनगरमध्ये राहणारा आकाश आरोपीच्या विवाहित बहिणीला भेटण्यासाठी पडवळनगरमध्ये येत असे. मात्र बहिणीला न भेटण्याबाबत गणेशने वारंवार सांगूनही आकाश पुन्हा मंगळवारी दुपारी पडवळनगरमध्ये आला होता. याबाबत आरोपीला समजल्यानंतर रागाच्या भरात आरोपीने घरातील चाकूने वार करत आकाशची हत्या केल्याची माहिती पोलिस निरीक्षक डी. के. चंदनकर यांनी दिली.