डोंबिवली: डोंबिवलीत एक धक्कादायक प्रकार समोर आला आहे .पान टपरी चालकाने प्रेम संबंधाची टीप दिल्याने त्याची निर्घृणपणे हत्या करण्यात आली आहे.पान टपरी चालक राकेश यादव यांच्या हत्ये प्रकरणी विष्णू नगर पोलिसांनी प्रियकारासह त्याच्या दोन साथीदारांना अटक केली आहे. डोंबिवली पश्चिमेतील मोठा गाव परिसरात बुधवारी पहाटे या परिसरात राहणारे राकेश यादव या इसमाची धारदार शस्त्राने हत्या करण्यात आली. राकेश मोठा गाव परिसरात पान टपरी चालवत होता. त्याला माहीत पडले की त्याचं एका मित्राच्या मुलीसोबत गणेश भोईर या तरुणाचे प्रेम संबध सुरू आहे याची माहिती त्याने मुलीच्या वडिलांना दिली. मुलीच्या वडिलांनी मुलीला व तिच्या आईला गावाला पाठवून दिले त्याचा राग येऊन गणेशने आपल्या मित्रांच्या मदतीने राकेशची हत्या केली.

राकेशमुळे आपली प्रेयसी दुरावली आहे याचा राग आल्याने अखेर संधी साधत गणेश भोईर याने आपले साथीदार, रवी खिल्लारे आणि एका अल्पवयीन मित्रा  सोबत पहाटे अडीच वाजण्याच्या सुमारास राकेश ला गाठले. त्यांच्यात भांडण झालं आणि त्यांनी आपल्याकडे असलेल्या शस्त्राने त्याची हत्या केली. या प्रकरणी विष्णूनगर पोलिसांनी गणेश भोईर, रवी खिल्लारे आणि अल्पवयीन तरुणाला विरोधात गुन्हा दाखल करत त्यांना अटक केली आहे.

या प्रकरणाने शहरात खळबळ उडाली आहे. पोलिसांनीही तातडीने शोध घेऊन हत्यारांना अटक केली. आरोपींना कोर्टात हजर केलं जाणार असून पोलीस सर्वच बाजूंनी त्याचा तपास करत आहेत. यात इतर कुठले धागेदोरे आहेत का याचीही चौकशी केलीय जातेय.