ताजी बातमी

रूळ ओलांडताना होणारे प्रवाशांचे अपघात रोखण्यासाठी मध्य रेल्वे सुरक्षा दलाने केलेल्या शून्य अपघात नियोजनाला चांगले यश आले आहे. २०१९ मध्ये जानेवारी ते एप्रिल या चार महिन्यांत रूळ ओलांडताना लोकल किंवा मेल-एक्स्प्रेसची धडक लागून झालेल्या अपघातांत २४४ जणांचा मृत्यू झाला. गेल्या वर्षी या काळात ही संख्या २७१ होती. थोडक्यात ही संख्या २७ने कमी झाली आहे. दादर, परळ, सायन, कुर्ला, ठाणे, दिवा, कल्याण या काही महत्त्वाच्या स्थानकांतील अपघात कमी झाल्याची माहिती रेल्वे सुरक्षा दलाने दिली.

प्रवाशांनी रूळ ओलांडू नये, असे आवाहन रेल्वे स्थानकात उद्घोषणेमार्फत वारंवार केले जाते. तरीही प्रवासी हा धोका पत्करतात. मात्र हा ‘स्टंट’ अनेकांच्या जिवावर बेततो. गेल्या काही वर्षांत या अपघातांचे प्रमाण वाढतच होते. यंदा प्रथमच हे प्रमाण कमी झाले आहे.

 

सोशल मीडिया प्रेसिडेंट

हवामान अंदाज

जाहिरात

लाइव्ह क्रिकेट स्कोअर

स्टॉक मार्केट | सेन्सेक्स

जाहिरात